|
| 呢個星期有d忙, 星期日陪人去畫公仔... 畫得好靚0下....搞到我都想畫埋一份
跟住幾日佢都放假, 周圍飲飲食食~ 開心~
跟住星期三晚去0左 diesel 個 fashion show, 超多人, 超多 model, 靚衫靚人
型~ 不過好可惜個 organize 搞得好差.... 好多人迫哂0係門口入唔倒
就算有 invitation 都係靠識人先入倒去... 好在識人唶~!
人大0左, 越0黎越發現"識人"0既重要性, 去function又係, 就連去食飯都係
無論去到邊度都可以打尖, 包括日本... 呵呵~
早排美國同學結婚, 去0左飲, 好在冇去做姊妹, 唔係話唔想幫佢, 但係... d人.. 我都唔識...
就算去到坐埋台食飯.... d人都好陌生, 除0左5隻手指數得哂0既美國同學之外.....
一係就係d白痴低b0既電車男..... (希望我個 friend 唔會睇倒呢個 entry... 哈哈 )
不過... 我都要返工.... 無論如何我都唔會有時間做姊妹.... anyway....
好想快d搬出去, 整返個屬於自己0既 studio, 努力!
| | |
| 上一次 update 係睇完 bjork 同林九, 今次再 update 仍然係睇完 show
今次因為隔得太耐先 update.. 其間已經睇0左好多... 逐一講0下...
首先有incubus, 雖然(又係)唔係最貴0既飛, 不過都仍然好 enjoy...
雖然睇外國 concert 個 atmosphere 真係好緊要... 不過我都 ok enjoy 我0既空間
雖然遠dd, 但係都好正... brandon 把聲真係.... 一流.... 即使佢0地玩得好 hea... 但係佢把聲都抵返
之後就係做0左一個唔知0岩唔0岩0既決定, 但係最後發覺原來係最值0既
就係去0左做潮童, 講真, 佢用唔用 bape 0黎做招徠對我0黎講係一d意義都冇0既
極其量只係幫個場帶0黎多一筆來自唔識聽音樂而一心去潮聖0既人0既收益
好在我買0左最貴0既飛, 所以個氣氛好正, 可以 natural high, 唔駛咁拘謹
幾鍾意 kanye west, 但係最鍾意反而係 n.e.r.d., 因為 pharrell 實在係太正喇....
btw.. 仲見倒勁多明星... 原來長頸鹿人真人係真係好醜樣, 得罪哂... 呵
最後仲有0岩0岩睇完0既森美, 真係唔錯, 其實係預0左佢會好睇先買飛
但係入到場都始終有個感覺會覺得...唔好太大期望, 可能因為佢係第一次做 大型talk show 0既關係
但係結果係好好, 唔單止好睇, 仲睇得出佢0個份心機, 真係令我好 appreciate, 好耐冇試過睇 show 有呢個感覺....
好鍾意佢講溫暖牌高達... 好抵死....仲有d愛的系列... 哈
講返自己, 0係公司越0黎越有 "settle 0左" 0既感覺... 唔知係好事定壞事...
好多人搵工想要0既條件其實呢度又真係俾倒我.... 但係我又覺得自己個worklife 好頹廢
咁到底應該搵份令我覺得好有意義0既工做, 定係繼續做呢份工, 但係用d錢去做d我想做0既公餘活動呢?
好矛盾, 加上同我同期入職0既同事0岩0岩尋日 last day 0左, 佢遞信0個一下係好 relief 0架,
但到真係走0個日又好似冇0左人生目標咁....到底工作係為0左咩呢? 人人0既定義唔同
係純粹為0左搵錢, 定係享受緊你做緊0既工作呢? 又有幾多人真係做到一份自己interest 0既工?
唔知, 好矛盾, 似乎短期內我都唔會搵倒答案...
總之希望 ex-同事可以有個好0既 careea, 做份開心0既工, 有時間返0黎探0下我....
我會自己照顧自己0架喇..... 嗚~
唔知半年內可唔可以學到5級呢? 我會努力....
btw.... 等緊我0既禮物到手... 快喇快喇... 嘿...
到時將會變成 band product...哈哈哈
期待10月收音機頭行程..... 嘿
| | |
| 新0既一年, 但係冇咩特別, 想多姿多采d, 但係仲未做得到...
農曆年, 今年算係豆得多利事, 可能公司d人夠手鬆, 又或者係過去0個年做得好事多... 哈
可惜豆埋豆埋都唔夠年頭交哂學費俾d concert~ 好在有d唔駛$
先曬0下命~ 有人無啦啦老細個有$佬 friend 塞0左兩張郭富城過我, 雖然博覽館係遠d
之後又有人幫我手囉倒林九求其0既飛, 一睇之下... 原來係第一行... 呵...
不過話時話都幾辛苦... 又全程抬高頭睇....下次都係囉返後少少... 嘿嘿.....
跟住就到自費0既, 去0左睇 bjork~ 真係唔錯... 最開心反而係聽佢玩返好多舊歌
新歌都淨係想睇佢玩 reactable. 但係佢今次又唔開個 projector.... 所以冇得睇....
突然好有衝動想買返部返屋企玩, 但係諗起屋企唔夠位擺... 唉....
都係等搬屋先再諗....依家都係轉心錄好隻碟先....
0係公司d日子好無聊好頹廢... 好有虛度光陰0既感覺.... 到低係咪應該轉0下工呢?
定係繼續趁呢個時候學多d野, 先再去搵d自己真正有興趣0既野做呢?
0黎到3月頭, 已經開始有為自己年頭定0既目標做緊野喇, 又搵多0左樣野學
不過未夠... 一個人仲可以做好多野, 唔想哂時間.... 公司0個d....吾... 無辦法... 冇$仲做唔倒野...
anyway....好想買 reactable.... 儲$儲$~~!!
仲有好想去旅行..... 今年真係好多野要做.... 好充實~ 呵~
| | |
| 眨0下眼就 08 喇~ 過去一年好唔 productive, 不過都唔算太頹廢
07年~ 終於的起心肝報0左個 italian 0黎讀~ 好鍾意, 會一路讀落去~ 雖然好似冇咩用...
亦都幾勤力去操波, 打得唔太差.... 不過距離 "ok" 都仲有排..... 要繼續努力...
今年亦都搵倒自己想夾0既 band 0黎夾~ 仲錄緊碟添~
不過0黎到08年, 又係新年例牌做0既野, 就係 set 返幾個 goal
今年有更多野想 achieve, 準備讀多幾樣野.... 不過要擇0下讀邊樣先,
同時間做咁多野, 兼顧唔倒盞哂錢
今年仲好想搬出0黎住, 咁先可以再 set 更多目標.... 要努力呀!!!
諗住呢d先, 況且仲有好多天時地利人和, 今年仲要 good luck!!
講返除夕, 去0左 agnes b 食除夕餐, 貴得0黎唔太好食, (不過其實食呢d野, 唔算貴 lu)
仲有manager 請飲野~ 嘿~ 不過最搞笑都係撞倒幾粒'細星'開 private party
當然最搞笑係盧x雪過0黎打招乎0個0下啦... 仲要除褸~ 哈哈~
食完都唔敢再行街就返0左屋企喇.... 因為如我所料都係封路封到屋企門口.. 灰.. -_-'''
呢兩星期公司狂放假, 真係好開心, 不過玩創0左個心真係唔多願返工....好想放假呀...~~~
買0左 radiohead 隻碟, 唔錯~ 再買埋 gorillaz, 開心~
有d想睇 MCR, 不過未買飛, 諗住執平野~ 哈哈哈~ 不過呢個年頭都好多 concert, 正~
| | |
| 眨0下眼咁快又一年喇~ 聖誕都過埋喇
今年雖然唔係過得有咩特別, 但係幾開心~ 其實只要係同自己鍾意0既人一齊過
做d咩又真係冇咩所謂...不過~~~ 都去0左雪村食0左餐 christmas eve dinner (雖然平時都去食0架啦...)
仲要好唔好彩地23號先0黎病, 不過好在有人老公照顧, 一晚訓醒就冇事喇~
12月基本上都冇咩特別, 所有野都係同聖誕有關, 公司請食日本鐵板燒聖誕大餐
雖然都算 ok 好食, 不過件衫有少少味~ 哼~當然仲有幸運大抽獎, 不過講真..d野係廢0既...
平貴都咁話.... 雖然我唔係抽倒最貴0個件, 不過都好, 最貴最平0個d野我都唔鍾意...老實講不如節現
依家咪變0左我呀媽多0左年聖誕禮物囉~ 哈哈哈哈~
今年繼續0係屋企煮飯仔費事同人迫, 繼續係我拿手0既意大利菜~ 唔錯~
當然仲有老公0既中菜部~點解兩個煮野都好食0既呢? 咁點算呢? 會肥死0架喎?
又去0左睇投名狀, 的確係一套好睇0既戲, 劇本唔錯, 不過對 ' 投名狀' 呢件事冇咩共鳴
可能係個 concept 唔夠 emphasize, 但係場面係唔錯0既~
仲有睇0左 Nightmare Before Christmas 0既 3D 版... 係就係遲D... 冇時間嘛...
冇辦法啦....同埋有D暈暈0地... 哈
btw, 仲有14號去0左小肥豬0既 cd release party, 玩得幾開心, hardpack 同 the train 都正
自從暫時cancel 0左每星期一次0既band practise, 都少0左好多機會大圍出0黎見面0既機會
希望0黎緊可以搞多d show 同 function, 等大家可以多d聚0下0既機會~
老公~ merry christmas~啜~
| | |
|
